ԵՐԵՎԱՆ, 20 մայիսի — Sputnik. Իրանի գործող նախագահ Հասան Ռոհանին մայիսի 19-ին կայացած նախագահական ընտրությունների անվիճելի առաջատարն է և, ըստ ամենայնի, կընտրվի պաշտոնավարման 2-րդ ժամկետի համար:
Իրանական ԶԼՄ-ները նշում են, որ երկրի ներքին գործերի նախարարության տվյալներով՝ 68-ամյա Ռոհանին ստացել է 14.619 մլն ձայն, իսկ 56-ամյա Ռաիսին՝ 10.125 մլն:
Իրանի նախագահական ընտրություններին մասնակցությունը կազմել է մոտ 70 տոկոս: Ընտրություններին քվեարկել է ավելի քան 40 մլն մարդ, ինչը կազմում է գրանցված ընտրողների մոտ 70 տոկոսը։
Իրանի նախագահի թեկնածուները չորսն էին՝ գործող նախագահ Հասան Ռոհանին, Այաթոլա Իբրահիմ Ռաիսին, նախկին փոխնախագահ Մոստաֆա Հաշեմի Տաբան և մշակույթի նախկին նախարար Մոստաֆա Աղա Միրսալիմը։
