Մահմուդ Ուզուն
Թուրքիայի քաղաքացի, քաղբանտարկյալ Մահմութ Ուզունը, որը Ցեղասպանության զոհերի հիշատակը հարգելու նպատակով Հայաստան է եկել «Միություն ընդդեմ ցեղասպանության» կազմակերպության պատվիրակության կազմում, այսօր լրագրողների հետ զրույցում հայտարարեց, որ մեղադրում է նաև իր ազգակիցներին՝ ոչ միայն ցեղասպանությանը մեղսակից լինելու, այլև պատմական ճշմարտությունը հերքելու համար:
«Արևմտյան Հայաստանի իրողությունը քրդին խանգարում է: Նրանք ուրիշի երկիրը Քրդստան են կոչում»,- ասաց Մահմութ Ուզունը՝ հավելելով, որ դա, ըստ էության Օսմանյան Թուրքիայի հանցանքի շարունակությունն է:
