ԵՐԵՎԱՆ, 11 ապրիլի — Sputnik. Միջոցառմանը ներկա Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը, ընդգծելով ծրագրի կարևորությունը, նշել է, որ ընդհանուր առմամբ միջոցառումներին մասնակցել է մայրաքաղաքի թվով 35 դպրոց: Այս մասին հայտնում է Երևանի քաղաքապետարանի մամուլի ծառայությունը։
Ֆրանկոֆոնիայի միամսյակի շրջանակում կազմակերպվել են ֆրանս-հայկական բարեկամությանը, ֆրանկոֆոն երկրների պատմությանը, մշակույթին և լեզվին նվիրված միջոցառումներ:
Հատկանշական է, որ Երևանի քաղաքապետարանի ենթակայության տակ ներկայում գործող դպրոցներից 50-ում ավելի քան 14000 աշակերտ ուսումնասիրում է ֆրանսերեն:
Նշենք նաև, որ 2018 թվականին Երևանում անցկացվելու է ֆրանկոֆոնիայի գագաթնաժողովը:
