Սուրեն Կարայան
Նախընտրական քարոզարշավում հնչող ներդրումների մասին խոստումներից միջազգային տնտեսական ինտեգրման և բարեփոխումների նախարար Սուրեն Կարայանը հավատում է միայն նրանց, որոնց ֆինանսավորումն արդեն արված է, կա իրականացնող: Այսօր, կառավարության նիստի ավարտին, պատասխանելով լրագրողների հարցերին, ասաց նախարարը:
Վարչապետ Կարեն Կարապետյանի 3.2 մլրդ-ի մասին խոստմանը Կարայանը հավատում է:
«Այդ 3.2 մլրդի տակ կան կոնկրետ ծրագրեր, կա կոնկրետ ֆինանսավորող»,- ասաց նախարարը:
Իսկ Կարեն Կարապետյանի կառավարության գործունեության ընթացքում կատարված ներդրումների ընդհանուր թիվը Սուրեն Կարայանը չհրապարակեց՝ խոստանալով այդ տվյալները ներկայացնել այս տարվա առաջին եռամսյակի արդյունքներն ամփոփելուց հետո։
