Վահան Մարտիրոսյան
Ըստ նրա` այսօր լաստանավային փոխադրումն արդեն կազմակերպվում է, քանի որ Հարավկովկասյան երկաթուղին այն ստացել է բավական լավ պայմաններում, և Հայաստանից Ռուսաստան լաստանավով տեղափոխվող բեռների արժեքը նույնիսկ կոնկրետ բեռների դեպքում շատ ավելի էժան է, քան Լարսով տեղափոխելու դեպքում։
Վերին Լարսի մյուս այլընտրանքները քննարկվում են, և հաջողության դեպքում նախարարը խոստանում է հայտնել այդ մասին։
«Վրացական կողմը մեզ բավական լավ պայմաններ է առաջարկել երկաթգծով փոխադրումներ կատարելու հարցում (մինչև Փոթի հասնելը)։ Նաև կոնկրետ զեղչեր ենք ստացել ռուսական երկաթուղուց Ռուսաստանի տարածքում տեղափոխվող բեռների համար»,- նշեց նախարարը` ասելով, որ թվեր չի կարող հրապարակել, քանի որ տարբեր ապրանքատեսակներից համար տարբեր թվեր են սահմանվել։
Նա վստահեցրեց` ցանկացած այլընտրանք, որը կարող է Հայաստանի համար դրական ազդեցություն ունենալ, քննարկվում է։
«Սակայն ավելին ասել չեմ կարող, քանի որ այս հարցում կարևոր են նաև Վրաստանի և Ռուսաստանի հարաբերությունները»,- ասաց նա։
