Շարմազանովի խոսքով` վերջին մեկ տարվա ընթացքում մենք բավականին վերազինվել ենք և այսօր մեր առաջնագիծն ավելի կազմակերպված է, քան նախկինում։ «Հայաստանի Հանրապետությունը, որպես Արցախի Հանրապետության անվտանգության երաշխավոր, և նրա գլխավոր հրամանատարը ջանք չեն խնայելու Արցախի անվտանգության պահպանման հարցում։ Եթե դրա համար անհրաժեշտ լինի դիմել «Իսկանդերի» պաշտպանությանը, մենք դա անելու ենք»,-ասաց ԱԺ փոխխոսնակը։
Հիշեցնենք, որ օրերս Արցախ կատարած աշխատանքային այցի ժամանակ ՀՀ նախագահ, գերագույն գլխավոր հրամանատար Սերժ Սարգսյանն ասել էր, որ այսօր Հայաստանի զինուժի գերագույն գլխավոր հրամանատարն աչքը չի թարթելու, հարկ եղած դեպքում, «Իսկանդերի» համազարկի հրաման արձակելիս։
