ԵՐԵՎԱՆ, 26 մարտի — Sputnik. Ղազախստանի հավաքականին 2:0 հաշվով հաղթանակից հետո Հենրիխ Մխիթարյանը խոստովանել է, որ շատ ուրախ է, որ կարողացել է գոլ խփել և կրկնակի ուրախ է, որ հաղթել են:
«Գևորգ Ղազարյանի վնասվածքը պլանները չփոխեց, նրան փոխարինած Տիգրան Բարսեղյանը վատ հանդես չեկավ, նա ակտիվ էր, փորձում էր թիմին օգնել: Գեւորգին առողջություն եմ ցանկանում, որովհետև այս պահին դա ամենակարևորն է»,-ասել է Մխիթարյանը: Նա նշել է, որ մինչև վերջ հավատում էին իրենց ուժերին ու փորձում ցույց տալ այն, ինչը մարզիչը պահանջում է:
«Հաղթանակից հետո չէինք գոռում, որովհետեւ հոգնած էինք: Շատ կարևոր աշխատանք տարանք ոչ միայն ֆիզիկապես, այլ նաև հոգեպես»,- ավելացրել է Մխիթարյանը:
Ֆուտբոլիստը նշել է, որ ամեն խաղում փորձում է օգտակար լինել հավաքականին ու իր հետևից տանել թիմը:
