ԵՐԵՎԱՆ, 22 մարտի — Sputnik. Արցախի պաշտպանության նախկին նախարար Սամվել Բաբայանը ձերբակալվել է։ Sputnik Արմենիայի աղբյուրը հաստատեց այս տեղեկությունը։
Հայաստանի ԱԱԾ-ն չորեքշաբթի հաղորդել էր Հայաստանի երկու քաղաքացիների ձերբակալության մասին, որոնց կասկածում են Վրաստանից «Իգլա» զենիթահրթիռային համալիր տեղափոխելու մեջ։
Դեպքի առթիվ 2017թ. մարտի 22-ին ՀՀ Ազգային անվտանգության ծառայության քննչական վարչությունում ՀՀ քրեական օրենսգրքի 235-րդ 2-րդ մասի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) և 235.1-րդ հոդվածի 2-րդ մասի 1-ին կետի հատկանիշներով հարուցվել է քրեական գործ։
Ավելի վաղ որոշ հայկական ԶԼՄ-ներ գրել էին, որ Բաբայանը պատրաստում է երկրորդ «Սասնա ծռերը»։ Նրա անունը կապում են նաև «Օհանյան-Րաֆֆի-Օսկանյան» ընդդիմադիր դաշինքի «ստվերային» կառավարման հետ։
