ԵՐԵՎԱՆ, 11 մարտի — Sputnik. Հայաստանը հանդես է գալիս որպես հասարակության ապագա կառուցվածքի նախատիպ, ասաց Վաշինգտոնի գլոբալ շահերի կենտրոնի հիմնադիր և նախագահ Նիկոլայ Զլոբինը Երևանում «Վալդայ» ակումբի միջազգային բանավիճային ակումբի «Փոփոխությունների ժամանակը. աշխարհը գլոբալ անկանխատեսելիության դարաշրջանում» արտագնա նիստում:
«Հայաստանը ապագայի նախատիպն է: Մյուս երկրների բնակիչները հայերի նման տարբեր անձնագրերով կապրեն ամբողջ աշխարհում, կսվորեն մի երկրում, կաշխատեն մեկ այլ երկրում, թոշակի կգնան՝ երրորդում», — ասաց նա:
Նրա խոսքով՝ աշխարհը փոխվում է: Փախստականների այսպիսի թվի, մարդկանց տեղափոխության պայմաններում հարց է ծագում, թե ինչպես կարելի է կառուցել ինքնավարություն, չէ՞ որ ամբողջ համաշխարհային համակարգը կառուցվել է ինքնավար պետությունների գերակայության վրա:
Հայտնվել են բազմաթիվ ոչ պետական, գերպետական միավորումներ, որոնք աշխատում են այդ համակարգում, բայց ներառված չեն ՄԱԿ-ում, ԵԱՀԿ-ում և այլ տեղերում: Նա նշեց, որ դրանց թվի մեջ են նաև գլոբալ կորպորացիները, որոնք ավելի շատ են ազդում աշխարհի վրա, քան որոշ պետությունների քաղաքական գործիչները:
