ԵՐԵՎԱՆ, 6 մարտի — Sputnik. Իրանի նախկին նախագահ Մահմուդ Ահմադինեժադը անձնական էջ է բացել Twitter սոցցանցում։ Ի դեպ, նախագահ լինելու տարիներին նա պայքարում էր սոցցանցերի դեմ, հաղորդում է ՌԻԱ Նովոստին։
Ahmadinejad1956 մականունով էջում տեղեկություն էր հայտնվել Ահմադինեժադի անձնական էջի մասին, որտեղ քաղաքական գործիչը տեսանյութ էր տեղադրել` առաջարկելով սոցցանցի օգտատերերին գրանցվել իր էջին։ Տեսանյութից հետո նա գրել էր.
«Քանի կա մարդասիրություն, ազատություն ու ճշմարտություն, Չավեսը ողջ է։ Նա կվերադառնա, երբ կրկին կհառնեն ազատությունն ու արդարությունը»։ ILNA իրանական գործակալությունը արձագանքել է այս գրառմանը` «տարօրինակ տեքստ Ուգո Չավեսի մասին» խոսքերով։
