ԵՐԵՎԱՆ, 30 դեկտեմբերի — Sputnik. Ռուսաստանի նախագահ Վլադիմիր Պուտինը գալիք Նոր տարվա ու Սուրբ ծնունդի կապակցությամբ շնորհավորել է Հայաստանի նախագահ Սերժ Սարգսյանին։
Դիմելով Հայաստանի նախագահ Սերժ Սարգսյանին՝ Ռուսաստանի նախագահը բարձր է գնահատել Հայաստանի ավանդը ԵՏՄ, ՀԱՊԿ ու ԱՊՀ շրջանակում ինտեգրման գործընթացների զարգացման գործում։
Պուտինն ընդգծել է, որ կողմերը կշարունակեն համատեղ աշխատանքները քաղաքական, առեւտրատնտեսական, գիտատեխնիկական ու մարդասիրական համագործակցության զարգացման և հրատապ միջազգային խնդիրների լուծմանն ուղղված ջանքերի համակարգման գործում։
