ԵՐԵՎԱՆ, 13 դեկտեմբերի — Sputnik. «Նաիրի» բժշկական կենտրոնում քիչ առաջ մահացել է արտակարգ իրավիճակների նախարար Արմեն Երիցյանը: Sputnik Արմենիային լուրը հաստատել է բուժկենտրոնի անեսթեզիոլոգիայի և վերակենդանացման ծառայության ղեկավար Անատոլի Գնունին։ Ըստ շրջանառվող լուրերի՝ նախարարը հիվանդ էր քաղցկեղով:
Արմեն Երիցյանը ծնվել է 1960թ. Երեւանում: Ավարտել է Երեւանի Կիրովի անվան թիվ 12 միջնակարգ դպրոցը:
1979-81թթ. ծառայել է Խորհրդային բանակում: 1986թ. ավարտել է ՆԳՆ Կալինինգրադի միլիցիայի դպրոցը:
1990թ. ավարտել է ԽՍՀՄ Վոլգոգրադի ՆԳՆ բարձրագույն քննչական դպրոցի իրավագիտության ֆակուլտետը:
1982-2010թթ. ծառայել է ՀՀ ոստիկանության համակարգում` արտաքին ծառայության միլիցիոներից մինչեւ ՀՀ ոստիկանության պետի առաջին տեղակալ: 2010թ. մարտից` ՀՀ արտակարգ իրավիճակների նախարարն էր:
Արմեն երիցյանը իրավաբանական գիտությունների դոկտոր, պրոֆեսոր էր: Ամուսնացած էր, ունի երկու դուստր, 3 թոռ:
