ԵՐԵՎԱՆ, 12 դեկտեմբերի — Sputnik. Շվեյցարական Նիոնում քիչ առաջ ավարտվել է Չեմպիոնների լիգայի փլեյ-օֆի վիճակահանությունը:
Հիշեցնենք, որ մեկ երկրի ներկայացուցիչները խաղարկության այս հատվածում իրար դեմ չէին կարող հանդես գալ: Բացի այդ, որակավորված թիմերն իրենց մրցակիցների անունները իմացան խմբերում երկրորդ տեղ զբաղեցրած թիմերի ցանկից: Այսպիսով, վիճակահանության արդյունքներով Չեմպիոնների լիգայի 1/8 եզրափակիչում կմրցեն հետևյալ զույգերը՝
«Մանչեսթեր Սիթի»–Մոնակո», «Ռեալ» (Մադրիդ)-«Նապոլի», «Բենֆիկա»–«Բորուսիա» (Դորտմունդ), «Բավարիա»–«Արսենալ», «Պորտո»–«Յուվենտուս», «Բայեր»–«Աթլետիկո» (Մադրիդ), ՊՍԺ–«Բարսելոնա», «Սևիլյա»–«Լեսթեր»։
Պարզ է, որ երկու շատ ուժեղ զույգեր են իրար դեմ դուրս գալու քառորդ եզրափակիչի ճանապարհին: «Բավարիա»-«Արսենալ» և ՊՍԺ — «Բարսելոնա» զույգերի դեպքում դժվար է նշել ֆավորիտին: Իսկ ահա մյուս զույգերում անկասկած հաջորդ փուլ դուրս գալու համար ավելի բարձր են գնահատվում «Մանչեսթեր Սիթիի», Մադրիդի «Ռեալի», Դորտմունդի «Բորուսիայի», «Յուվենտուսի» և Մադրիդի «Աթլետիկոյի» հնարավորությունները:
Դժվար հակամարտություն է սպասվում նաև «Սևիլյայի» և «Լեսթերի» միջև:
