ԵՐԵՎԱՆ, 29 նոյեմբերի — Sputnik. Եվրոպայում ՄԻԱՎ վարակակիրներից յուրաքանչյուր 7-րդը չգիտի այն մասին, որ ինքը վարակակիր է, գրված է առողջապահության հարցերով եվրահանձնակատար Վիտյանիս Անդրյուկայտիսի զեկույցում, որը հրապարակվել է ՁԻԱՀ-ի դեմ պայքարի համաշխարհային օրվա նախաշեմին։
«ՄԻԱՎ/ՁԻԱՀ-ը լուրջ խնդիր է Եվրոպայում։ Բավական մտահոգիչ է, որ հիվանդությունների կանխարգելման և վերահսկման եվրոպական կենտրոնի (ECDC) գնահատականի համաձայն` ՄԻԱՎ վարակակիրներից յուրաքանչյուր 7-րդը չգիտի իր հիվանդության մասին», — գրված է փաստաթղթում։
ECDC-իհետազոտությունն անցկացվել է եվրոպական 28 երկրում։ Նշված է, որ այդ երկրներում գրանցված վարակների մեծ մասն ախտորոշվում է հիվանդության բարդ փուլում։ ԱՀԿ-ի տվյալներով` ՄԻԱՎ-ի նոր դեպքերի ամենամեծ թիվը գրանցվել է 2015 թվականին։ Միավ վարակակիրների թիվը հատել էր 150 հազարի սահմանը, ինչը 10 հազարով շատ է 2014 թվականի ցուցանիշից։
