ԵՐԵՎԱՆ, 8 նոյեմբերի — Sputnik. Միավորված զորախմբի կառավարման նպատակով Հավաքական անվտանգության Կովկասյան տարածաշրջանում Հայաստանն ու Ռուսաստանը միավորված հրամանատարություն կստեղծեն, հայտնում են իրավական տեղեկատվության պաշտոնական առցանց պորտալում։
Հրամանատարը նշանակվում է և պաշտոնից հեռացվում Հայաստանի ԶՈՒ Գերագույն հրամանատարի` նախագահի, կողմից՝ Ռուսաստանի ԶՈՒ գլխավոր հրամանատարի հետ համաձայնեցմամբ։
Ռուսաստանի նախագահ Վլադիմիր Պուտինին ստորագրելու համար ներկայացված Հայաստանի և Ռուսաստանի միջև համաձայնագրի նախագծի համաձայն, կողմերը Հավաքական անվտանգության կովկասյան տարածաշրջանում անվտանգության ապահովման համար ՀՀ ԶՈՒ և ՌԴ ԶՈՒ միացյալ զորախումբ են ստեղծում։
«Երկու երկրների միացյալ խմբի ուժերը և միջոցները բարձր պատրաստվածության բերելու, միացյալ հրամանատարությունը ազգայինի վերաենթարկելու կարգը որոշվում է ՀՀ ԶՈՒ և ՌԴ ԶՈՒ միացյալ զորախմբի մասին դրույթով»,- գրված է փաստաթղթի տեքստում։
Համաձայնագրի նախագծի համաձայն այդ դրույթը կցվում է ներկա համաձայնագրին և հանդիսանում նրա անբաժան մասը։ Երկու երկրների միջև համաձայնագրի նախագիծը ներկայացվել է ՌԴ ՊՆ, համաձայնեցվել Ռուսաստանի ԱԳՆ-ի և գործադիր իշխանության դաշնային այլ շահագրգիռ մարմինների հետ։
Միացյալ զորախմբի մասին դրույթում հիմնական խնդիրների թվում նշված է, մասնավորապես, ՌԴ և ՀՀ պետսահմանի ցամաքային մասի պաշտպանությունը նաև ՀԱՊԿ հավաքական անվտանգության համակարգերի միջոցներով և համատեղ ուժերով։
Խաղաղ ժամանակ հրամանատարությունը ենթարկվում է ՀՀ ԶՈՒ գլխավոր շտաբի ղեկավարին, անմիջական վտանգի և պատերազմի ժամանակ` կախված ստեղծված իրավիճակից, ռուսական բանակի ՀՌՕ զորքերի հրամանատարությանը կամ ՀՀ ԶՈՒ շտաբի ղեկավարների կոմիտեին, երկու երկրների ԶՈՒ գլխավոր հրամանատարների որոշմամբ։
