ԵՐԵՎԱՆ, 29 հոկտեմբերի — Sputnik. Հայաստանից դուրս եկած Կոլումբիայի Ազգային ոստիկանության ինքնաթիռը, որում գտնվել է երկրի ներքին գործերի նախարար Ֆերնանդո Կրիստոն, ուրբաթ օրը վթարային վայրէջք է կատարել Բոգոտայի Էլ Դորադո օդանավակայանում, հաղորդում է ՌԻԱ Նովոստին՝ հղում անելով El Colombiano հրատարակությանը:
Թերթի տվյալներով՝ ինքնաթիռը կոշտ վայրէջք է կատարել Բոգոտայում և դուրս եկել թռիչքուղու գոտուց, տուժածներ չկան:
Նախարարից բացի, ինքնաթիռում գտնվել է 10 ուղևոր, այդ թվում՝ քաղաքական հարցերով փոխնախարար Գիլյերմո Ռիվերան, նրա անձնական քարտուղարը, ինչպես նաև լրագրողներ և խմբի անդամներ:
«Փառք Աստծո, Էլ Դորադոյի միջադեպից հետո ամեն ինչ լավ է: Տուժածներ չկան: Շնորհակալություն Ազգային ոստիկանության անձնակազմին և օդանավակայանի աշխատակիցներին»,- պատահարից հետո գրել է Կոլումբիայի ՆԳՆ ղեկավարը Twitter-ում իր միկրոբլոգում:
