ԵՐԵՎԱՆ, 18 հոկտեմբերի — Sputnik. Հայկական շախմատի առաջատար Լևոն Արոնյանը և նրա կին Արիանա Կաոիլին Թեհրանում են: Նրանց հետ որևէ բան չի պատահել, հայտնում են Հայաստանի շախմատի ֆեդերացիայից:
«Այսօր մամուլում տարածված այն տեղեկությունը, որ Լևոն Արոնյանը և Արիանա Կաոիլին կորել են Իրանի լեռներում, չի համապատասխանում իրականությանը: Արոնյանն ու Արիանան, ովքեր բարձրացել էին Դամավանդ լեռը, իջել են լեռից և գտնվում են Թեհրանում: Նրանց հետ որևէ բան չի պատահել»,- նշվում է շախմատի ֆեդերացիայի հաղորդագրությունում:
Արիանա Կաոիլի
© sv-oberursel
Ավելի վաղ լուրեր էին պտտվում, որ շախմատիստները մեկնել էին Իրան՝ Դամավանդ լեռը բարձրանալու համար: Նշվում էր, որ վատ եղանակի պատճառով Արոնյանը և Կաոիլին մոլորվել են սարերում, սակայն նրանց հաջողվել է վերադառնալ:
