ԵՐԵՎԱՆ, 14 հոկտեմբերի — Sputnik. ՀՀ նախագահ Սերժ Սարգսյանը հայտարարեց, որ ՀԱՊԿ գլխավոր քարտուղարի վերաբերյալ հարցը հանվել է ՀԱՊԿ հավաքական անվտանգության խորհրդի նստաշրջանի օրակարգից։
«Այդ հարցը մենք Ռուսաստանի հետ կքննարկենք տարեվերջին»,- ասաց ՀՀ նախագահ Սերժ Սարգսյանը։
Ավելի վաղ նշվել էր, որ ՀԱՊԿ անդամ-երկրների առաջնորդները Երևանում կազմակերպված նստաշրջանի ժամանակ կքննարկեն կազմակերպության գլխավոր քարտուղարի հարցը։ Սպասվում էր, որ այդ պաշտոնը կստանձնի ՀԱյաստանի ներկայացուցիչը։
Հնարավոր թեկնածուների ցանկում առավել հաճախ նշվում էր ՀՀ պաշտպանության նախկին նախարար Վաղարշակ Հարությունյանի անունը։
