Վարդան Ոսկանյան
Վարդան Ոսկանյանը կարծում է, որ Եվրասիական տնտեսական միության անդամակցությունը կօժանդակի Հայաստանի և Իրանի համագործակցությանը։
«ԵՏՄ անդամակցությունը և Իրանի հետ երկկողմ ձևաչափով համագործակցությունը չեն հակասում իրար, հակառակը` ողջ գործընթացը տնտեսական ազատ գոտու ստեղծման համատեքստում դիտարկելու դեպքում` դա լրացուցիչ առավելություն է Հայաստանի համար, որպեսզի իրանական կողմին առաջարկի ավելի հրապուրիչ շուկաներ»,- կարծում է փորձագետը։
Նրա խոսքով` ակնհայտ է, որ բացառապես հայկական շուկան իր ծավալային առումով շատ փոքր է, որպեսզի իրանական խոշոր կապիտալը գա Հայաստան այդ պահանջարկը ապահովելու նպատակով, իսկ ԵՏՄ-ի անծայրածիր շուկան կարող է ավելի հրապուրիչ լինել Իրանի համար։
