ԵՐԵՎԱՆ, 14 օգոստոսի — Sputnik. Բռնցքամարտիկ Հովհաննես Բաչկովի պարտությունից հետո օլիմպիական մրցումներում հայ բռնցքամարտիկներից մնաց միայն Նարեկ Աբգարյանը, որը հանդես է գալիս 52 կգ քաշային կարգում: Մյուս չորս բռնցքամարտիկները՝ Արթուր Հովհաննիսյանը, Վլադիմիր Մարգարյանը, Արամ Ավագյանն ու Հովհաննես Բաչկովն ավարտեցին իրենց ելույթները:
Առաջին մենամարտի առաջին ռաունդում շտապելու պատճառով բաց թողած հարվածից հետո Հովհաննես Բաչկովը չինացու հետ մենամարտում շատ վստահ ու հանգիստ էր գործում:
Մրցակիցները համարձակ չէին գնում գրոհի ու հիմնականում հարվածների փոխանակում էր գրանցվում միջին տարածությունից: Այսպես Բաչկովը աննշան առվելություն ստացավ առաջին ռաունդում:
Երկրորդ ռաունդում հայ բռնցքամարտիկը հաստատուն զբաղեցնելով ռինգի կենտրոնը ստիպում էր չինացուն նյարդայնանալ ու նման պայմաններում արագ կրճատելով հարվածային տարածությունը, որոշ դրվագներում դիպուկ հարվածներ անցկացրեց: Բայց Հու Քսանյանունին հաղթելու համար հարկավոր էր մինչև վերջին ռաունդի վերջին վայրկյանը պայքարել մաքսիմալ օգտագործելով մրցակցի վրիպումները:
Երրորդ ռաունդում մեր բռնցքամարտիկը շարունակեց «առաջին համարի» աշխատանքը լինելով գրոհների նախաձեռնողը: Բայց կոտրել Քսանյունի դիմադրությունը այնքան էլ հեշտ չէր: Մենամարտի վերջն ազդարարող ազդանշանը վերջապես կանգնեցրեց Բոչկովի ակտիվությունը: Բայց դա մրցավարների վրա ինչպես երևաց տպավորություն չթողեց ու հաղթանակը շնորհվեց մրցակցին 1:2(29:28, 28:29, 28:29) հաշվով:
