ԵՐԵՎԱՆ, 13 օգոստոսի — Sputnik. Հայաստանի ծանրամարտի հավաքականի առաջատարներից մեկն այսօր՝ օգոստոսի 13-ին, հետևելու էր եկել 85 կգ քաշային ծանրորդների մրցելույթներին: Այս մասին գրում է Հայաստանի օլիմպիական կոմիտեի մամուլի ծառայությունը:
Իրեն հատուկ համեստությամբ` Անդրանիկը նստած էր տրիբունայում և հետևում էր տղաների մրցելույթներին, երբ կամավորներից մեկը նկատեց և ճանաչեց նրան, խնդրեց լուսանկարվել: Կարապետյանն, իհարկե, չմերժեց և լուսանկարվեց:
Հայ մարզիկի՝ ոտքի կանգնելուն պես, նրա հետ լուսանկարվել ցանկացողների հերթ գոյացավ: Տարբեր ազգի ներկայացուցիչներ մոտենում, լուսանկարվում և առողջություն էին մաղթում նրան:
Կարապետյանը փոխանցեց, որ իրեն լավ է զգում և վստահեցնում է, որ իր հետ ամեն ինչ կարգին է, վախենալու և հուսահատվելու ոչինիչ չկա: Նաև շնորհակալություն հայտնեց բոլոր նրանց, ովքեր այս օրերի ընթացքում աջակցել և սատարում են իրեն:
