ԵՐԵՎԱՆ, 12 օգոստոսի — Sputnik. Ռուսաստանի հավաքականի անդամ Կիրիլ Գրիգորյանը Ռիոյում անցկացվող Օլիմպիական խաղերում ստացած բրոնզե մեդալի համար ուրախացել է, բայց կարծում է, որ կարող էր ավելի լավ ելույթ ունենալ։
Մարզիկը բրոնզ է ստացել` հանդես գալով հրաձգության մրցաշարի (պառկած դիրքում) 50 մետր հեռավորության մրցաձևում: Եզրափակիչ փուլում մարզիկը վաստակել է 187.3 միավոր:
«Ուրախ եմ բրոնզի համար, բայց փոքր-ինչ հիասթափված եմ, կարող էի ավելի բարձր ցուցանիշ ունենալ։ Հուզմունքս խանգարեց։ Զգացմունքները զսպելը դժվար է, հուզմունքի պատճառով երկու անհաջող կրակոց արձակեցի, և վերջ, հայտնվեցի երրորդ տեղում»,- լրագրողներին է ասել Գրիգորյանը։
Ոսկե մեդալակիր է դարձել Հենրի Յունգհենելը (209,5 միավոր)` օլիմպիական ռեկորդ սահմանելով այս մարզաձևում։ Արծաթը բաժին է ընկել Հարավային Կորեայի մարզիկ Կիմ Ջոնյոնին (208,2)։
