Ենոքավան` «հոբիտների հայկական երկիրը»

«Հոբիտների երկիր» հիշեցնող Ենոքավանը HayBuis-2016 փառատոնի շրջանակում հուլիսի 2-ին հյուրընկալեց Հայաստանի բնակիչներին և հյուրերին:

Կարելի էր գինի համտեսել, աշխարհի ամենաերկար բրդուճը ճաշակել, հիանալ հայկական ազգային զգեստների` տարազների և ձեռագործ աշխատանքների գեղեցկությամբ:

Էքստրիմի սիրահարները կարողացան զբոսնել Rope park այգում: Իսկ վերջում կազմակերպիչները անակնալ մատուցեցին ներկաներին. Ենոքավանում տեղի ունեցավ ձիերով պոլոյի երկրորդ մրցաշարը:

«Հոբիտների երկրի» ողջ հմայքը վայելեցին նաև Sputnik Արմենիայի թղթակիցները, որոնք նույնպես համտեսեցին բրդուճը, գինին, սեփական մաշկի վրա զգացին Rope Park-ի դժվարությունները` տեսածը լուսանկարներով ներկայացնելու համար: