ԵՐԵՎԱՆ, 15 մայիսի — Sputnik. Կիևում տեղի ունեցած պրոֆեսիոնալ բռնցքամարտի գերթեթև քաշային կարգում Ուկրաինայի ներկայացուցիչ Արտեմ Դալլաքյանը (13-0, 9 նոկաուտ) պաշտպանեց WBA վարկածով Եվրոպայի չեմպիոնի տիտղոսը:
28-ամյա բռնցքամարտիկը պարտության մատնեց աշխարհի չեմպիոնի նախկին հավակնորդ, 38-ամյա ռումինացի Սիլվիո Օլտեանուին (16-10-1, 7 նոկաուտ):
6-րդ ռաունդում Օլտեանուն ստացավ ձախ աչքի վնասվածք, արնահոսություն սկսվեց և մրցավարը դադարեցրեց մենամարտը: Տեխնիկական նոկաուտով հաղթանակը շնորհվեց Արտեմ Դալլաքյանին:
