ԵՐԵՎԱՆ, 3 մայիսի — Sputnik. Եթե Ադրբեջանը ծավալի նոր ռազմական ագրեսիա, Լեռնային Ղարաբաղի ճանաչման հարցը կմտնի օրակարգ, նշել է Հայաստանի արտաքին գործերի փոխնախարար Շավարշ Քոչարյանը, հայտնում է ՀՀ ԱԳՆ մամուլի ծառայությունը։
Քոչարյանն ասել է, որ ՀՀ կառավարության օրակարգում ներառված է համաձայնություն տալը ոչ թե «Արցախի Հանրապետությունը ճանաչելու մասին» ՀՀ օրենքի նախագծին, այլ Կառավարության եզրակացությանը: Իսկ համաձայն եզրակացության՝ ճանաչումը պայմանավորվում է իրավիճակի հետագա զարգացումներով:
Հիշեցնենք, որ ԱԺ պատգամավորներ Զարուհի Փոստանջյանի և Հրանտ Բագրատյանի հեղինակած «Արցախի Հանրապետությունը ճանաչելու մասին» ՀՀ օրենքի նախագիծն ընդգրկվել է ՀՀ կառավարության մայիսի 5-ի օրակարգում։
