ԵՐԵՎԱՆ, 20 ապրիլի — Sputnik. Ժան Միշել Ժարի և Էդվարդ Սնոուդենի համագործակցության մասին հայտնել է The Guardian թերթը, որը նրանց բանակցությունների միջնորդն է:
«Էդվարդը մեր ժամանակի հերոսն է: Երբ ես առաջին անգամ կարդացի նրա մասին, նա ինձ մորս հիշեցրեց: 1941 թվականին մայրս Դիմադրության շարքերը մտավ, այն դեպքում, երբ ֆրանսիացիների մեծ մասը կարծում էր, որ նրանք պարզապես անհաջողակներ են: Եվ նա ինձ միշտ ասում էր, որ եթե հասարակությունը որևէ բան է անում, որը քեզ զայրացնում է, դու պետք է դրա դեմ հանդես գաս», — ասել է Ժարը:
Exit երգի պրեմիերան կկայանա շաբաթվա վերջին: Հետագայում այն կներառվի ElectronicaVolumeII։ TheHeartOfNoise ալբոմում, որը ձայնագրելիս բացի Սնոուդենից ֆրանսիացի երաժիշտն աշխատել է PetShopBoys-ի, երգիչ Հարի Նյումանի և երգչուհի Peaches-ի հետ: 2015 թվականին TheGuardian-ին տված հարցազրույցում Ժարը խնդրեց պարբերականի լրագրողներին օգնել իրեն կապ հաստատել Սնոուդենի հետ: Նրանք էլ կատարեցին երաժշտի խնդրանքը:
ԱՄՆ-ում Սնոուդենին լրտեսության մեղադրանք առաջադրեցին: Հայրենիք վերադառնալու պարագայում նրան կազատազրկեն 30 տարով: 2014 թվականին Ռուսաստանի իշխանությունները երեք տարով նրան կացության իրավունք տվեցին:
Ժան Միշել Ժարն էլեկտրոնային երաժշտության առաջատարներից է։ Նա փորձառական ալբոմներ է թողարկում 1960-ականների վերջից: Նրա հայտնի աշխատանքներից են Oxygène (1976), Équinoxe (1978), LesChantsMagnétiques (1981), Métamorphoses (2000) ձայնասկավառակները։
.jpg){kind=link}