ԵՐԵՎԱՆ, 31 մարտի — Sputnik. Մովսեսը վերջին անգամ իր տունը տեսել էր 1915 թվականին` հինգ տարեկան հասակում։ Երբ նրանց գյուղ մտան զինվորները, Մովսեսի հայրը, երեխայի ձեռքը բռնած, կարողացավ փախչել, գրում է The Guardian-ը։
«Ճանապարհի կեսը մարդկանց դիերով էր պատված», — հրատարակությունը մեջբերում է Մովսեսի խոսքերը։
2013 թվականին լուսանկարիչ Դիանա Մարկոսյանը եկավ Հայաստան, որպեսզի հանդիպի Հայոց ցեղասպանությունից փրկված հայերի հետ։ Նրանից ոմանք համագործակցելու ցանկություն հայտնեցին` Մովսեսը, Եպրաքսյա Բարսեղյան-Գևորգյանը և Մարիամ Սահակյանը։
Կազմակերպիչները խնդրեցին քարտեզի վրա ցույց տալ հարազատ գյուղերի գտնվելու վայրը կամ գոնե նկարագրել տարածքը` գետեր, սարեր, անտառ։
Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերում Արևմուտքի քննադատություններին։
Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։
