ԵՐԵՎԱՆ, 15 մարտի- Sputnik. «Ռոսսիա սեգոդնյա» միջազգային լրատվական գործակալության մամուլի ծառայությունը հայտարարել է, որ «Խոսում ենք ինչպես Լևիտանը» միջազգային ռադիոմրցույթի հայտերի ընդունման ավարտին մնացել է մեկ ամիս։
Մրցույթի փորձագիտական խորհուրդը կսկսի աշխատել հայտերի ընդունելության ավարտից հետո և կարճ ցուցակ կկազմի, որում ընդգրկված 10 մասնակցի անունները կհայտարարվեն 2016թ.-ի ապրիլի 20-ին, իսկ ապրիլի 25-ին աշխատանքները կհրապարակվեն ria.ru/75 կայքի մրցույթի բաժնում։ Այնուհետև ժյուրին (կազմում ընդգրկված են մեդիաոլորտի առաջատար ներկայացուցիչները, արվեստի գործիչները) և մեդիափորձագետները կորոշեն հաղթողներին, որոնց անունները կհայտարարվեն 2016թ-ի մայիսի 5-ին։ Պարգևատրման արարողությունը տեղի կունենա հունիսին Մոսկվայում։ Մրցույթի հաղթողը կստանա դիպլոմ, արձանիկ և 50 հազար ռուբլի դրամական մրցանակ։
Մրցույթն անցկացվում է Սովինֆորմբյուրոյի 75-ամյակի կապակցությամբ: Սովինֆորմբյուրոն հիմնադրել է այն խոշորագույն ռուսական տեղեկատվական գործակալությունները, որոնք տարբեր տարիների ներկայացրել են Ռուսաստանը միջազգային ասպարեզում:
«Ռադիոն ունկնդրի հետ շփման ամենալակոնիկ և մաքուր միջոցն է։ Քանի որ դու ունես միայն ձայն, խոսք և ինտոնացիա, ապա ցանկացած սուտ, հատկապես ուղիղ եթերում, միշտ կլսվի։ Հենց այդ պատճառով հսկայական նշանակություն ունեն այնպիսի նախագծերը, ինչպիսին է «Խոսում ենք ինչպես Լևիտանը», որը նպատակ ունի աջակցել սկսնակ ռադիոլրագրողներին և ապահովել ավանդույթների հաջորդականությունը»,- ասել է մրցույթի ժյուրիի անդամ, «Գոլոս Ռոսսիի» պետական ռադիոընկերության տնօրեն Վյաչեսլավ Ումանովսկին։
Կազմկոմիտեն արդեն հայտեր է ընդունել 7 երկրից` Ռուսաստանից, Աբխազիայից, Բելառուսից, Ղրղըզստանից, Մոլդովայից, Ուկրաինայից և Հարավային Օսեթիայից։ Մասնակիցները ներկայացնում են տարբեր սերունդներ՝ ռադիոյի պատկառելի մասնագետներից մինչև սկսնակ լրագրողներ, մասնակիցների տարիքը տատանվում է 22-69 տարեկան հաղորդավարների միջև:
Մրցույթին կարող են մասնակցել են Ռուսաստանի, ԱՊՀ և Բալթյան երկրների տարածքում հեռարձակվող ռադիոալիքների հաղորդավարներն ու թղթակիցները: Մասնակցության համար անհրաժեշտ է լրացնել հայտը և ձայնագրել «Խորհրդային ինֆորմբյուրոյից» պատմական քրոնիկներից մեկը, որը կարդացել է Յուրի Լևիտանը 1945թ.-ի գարնանը: Մրցութային աշխատանքը պետք է ուղարկել կազմկոմիտե levitan@rian.ru հասցեով:
Հայտերի ընդունելությունը կտևի մինչև 2016թ.-ի ապրիլի 15-ը:
«Ռոսսիա սեգոդնյա» ՄԼԳ-ն միջազգային մեդիախումբ է, որն օպերատիվ, հավասարակշռված և օբյեկտիվ լուսաբանում է աշխարհում կատարվող իրադարձությունները, առանցքային դեպքերի շուրջ տարբեր տեսակետներ է ներկայացնում լսարանին։ «Ռոսսիա սեգոդնյա» ՄԼԳ-ն ներկայացնում է մի շարք տեղեկատվական ռեսուրսներ` ՌԻԱ Նովոստի, Ռ-Սպորտ, ՌԻԱ Անշարժ գույք, ՌԻԱ Վարկանիշ, ԻնոՍՄԻ։ «Ռոսսիա սեգոդնյա» ՄԼԳ-ն ըստ մեջբերումների թվի առաջատար է ռուսական ԶԼՄ-ների շարքում։ Գործակալությունն առաջատար դիրքեր է զբաղեցնում նաև ռուսական սոցիալական ցանցերում և բլոգոլորտում` ըստ մեջբերումների։
