Հարվարդի ուսանողները կուսումնասիրեն Փարաջանովի ֆիլմերը

ԵՐԵՎԱՆ, 4 փետրվարի — Sputnik. Հարվարդի ուսանողների համար պարտադիր ֆիլմերի ցանկում հայտնվել են նաև անվանի հայ կինոռեժիսոր Սերգեյ Փարաջանովի կինոնկարները, հաղորդում է «Ռուսական կինոյի տարի» կայքը։

Ցանկը կազմվել է կինոգետի թեկնածուական աստիճան հայցողների համար։

Ընդհանուր ցուցակում ներառված են համաշխարհային կինոյի լավագույն 800 ֆիլմերը` ինչպես գեղարվեստական, այնպես էլ վավերագրական ժապավեններ։