ԵՐԵՎԱՆ, 25 դեկտեմբերի- Sputnik. Վրաստանի խորհրդարանական մեծամասնությունն ԱԳՆ ղեկավարի պաշտոնակատար Գեորգի Կվիրիկաշվիլուն ընտրել է երկրի վարչապետի պաշտոնում։ Չորեքշաբթի Իրակլի Ղարիբաշվիլին հայտարարել էր վարչապետի պաշտոնը լքելու մասին։ Վրաստանի սահմանադրության համաձայն` վարչապետի հրաժարականից հետո դադարեցվում են բոլոր նախարարների լիազորությունները, և նրանք դառնում են համապատասխան նախարարությունների և գերատեսչությունների նախարարի պաշտոնակատար։
«Հինգշաբթի խորհրդարանական մեծամասնությունը խորհրդատվություն է անցկացրել, և մենք համաձայնեցրել ենք Գեորգի Կվիրիկաշվիլու թեկնածությունը»,- հայտարարել է մեծամասնության առաջնորդ Զվիադ Կվաչանտիրաձեն։
Խորհրդարանական մեծամասնության կողմից նոր վարչապետի թեկնածությունը համաձայնեցնելուց հետո առաջարկը ներկայացվել է նախագահին, իսկ երկրի ղեկավարն իր հերթին պետք է հաստատի թեկնածությունը։
