Սերբիայի բնակիչ Բրոնիսլավ Սոսկիչը լրագրողներին ցույց է տվել Գարֆիլդ անունով իր երկարակյաց կատվին, որը դարձել է 23 տարեկան։ Կատվային չափանիշներով այդ տարիքը խորը ծերություն է։
Տիրոջ կարծիքով` Գարֆիլդն, ամենայն հավանականությամբ, Եվրոպայի ամենատարեց կատուն է։
«Հավանաբար նա Եվրոպայում ամենատարեց կատուն է, որովհետև անցած տարի Անգլիայում մահացել է Պոպի կատուն, որը 23 տարեկան էր։ Եվ դրանից հետո ոչ ոք չի հայտարարել, որ ավելի տարեց կատու ունի։ Ուստի մտածում եմ, որ նա Եվրոպայի ամենածեր կատուն է»,– ասել է երկարակյաց կատվի տերը։
Քանի որ 23–ամյա Գարֆիլդը դիաբետ ունի, Բրոնիսլավ Սոսկիչը նրան հատուկ կեր է տալիս։
«Մենք նրա մոտ դիաբետ ենք հայտնաբերել, երբ արյան անալիզ ենք հանձնել։ Հիմա նա ինսուլինով հատուկ կեր է ուտում։ Դա ստանդարտ դիետա է կատուների համար, որոնք տառապում են դիաբետով»,– ասել է Գարֆիլդի տերը։
Չնայած դիաբետին և խլությանը` կատուն շատ շարժուն է և ակտիվ։ Տիրոջ խոսքով` կենդանին շատ է սիրում վազել և գնդակով խաղալ։
«Ինչպես ցանկացած տղա, նա շատ է սիրում խաղալ։ Խաղում է գնդակով. եթե նետում եք գնդակը, նա ետ է բերում այն։ Սիրում է խաղալ բլիթի հետ, երբ ուտում է։ Նա հաճույքով է ուտում, իսկ հետո նետում է այն և որսում մկան նման։ Նա շատ է սիրում գրկախառնվել և ծաղիկներից հոտ քաշել»,– պատմել է տերը։
Կատուները սովորաբար ապրում են մինչև 15 տարի։ Մարդկային չափանիշներով 23–ամյա կատուն հիմա 100 տարեկան կլիներ։
Երկարակյաց կատուն կամ 23–ամյա Գարֆիլդի առօրյան
© Ruptly
Բաժանորդագրվել
Սերբիայի բնակիչը լրագրողներին ցույց է տվել 23–ամյա Գարֆիլդ կատվին, որը նրա կարծիքով` Եվրոպայի ամենատարեց կատուն է։ Դիտեք տեսանյութում, թե Բելգրադում ինչպես է անցնում Գարֆիլդի առօրյան
