ԵՐԵՎԱՆ, 23 հոկտեմբ երի- Sputnik. Ֆրանսիական SudOuest թերթը հրապարակել է երկրի հարավ-արևմուտքում բեռնատարի և ավտոբուսի բախվելու հետևանքով մահացածների թիվը` 42 մարդ:
Ավելի վաղ նույն թերթը հայտնել էր, որ մահացածների թիվը կազմում է 49 մարդ, սակայն հետագայում բացատրել, որ 49-ն ավտոբուսի ուղևորների թիվն է, իսկ մահացածների թիվը չի փոխվել:
Հայտնի է դարձել նաև, որ վթարի հետևանքով ողջ է մնացել առնվազն 8 մարդ, նրանցից հինգը թեթև վնասվածքներ են ստացել, իսկ երեքն ընդհանրապես չեն տուժել:
Առավոտյան 7:30-ին Ժիրոնդա դեպարտամենտում` Լիբուրն քաղաքից ոչ հեռու, ուղևորատար ավտոբուսը բախվել է բեռնատարին: Բախման հետևանքով երկու մեքենաներն էլ այրվել են:
Ներկա պահին հայտնի է, որ վթարի հետևանքով մահացածների մեծ մասը Ժիրոնդայի բնակիչներ են` Сlub du Petit Palaisien ակումբի անդամներ, ովքեր վաղ առավոտյան ավտոբուսով մեկնում էին էքսկուրսիայի: Երկու մեքենաների վարորդներն էլ մահացել էին:
Սպասվում է, որ առաջիկա ժամերին դեպքի վայր կժամանեն երկրի վարչապետ Մանուել Վալսը, ՆԳՆ ղեկավար Բեռնար Կազնևը և տրանսպորտի հարցերով պետքարտուղար Ալեն Վիդալին:
Ֆրանսիայում ՃՏՊ-ի հետևանքով ավելի քան 10 մարդ է մահացել
14:10 23.10.2015 (Թարմացված է: 14:21 23.10.2015)
© TVC
Բաժանորդագրվել
Տվյալ պահին հայտնում են, որ միայն ութ մարդ է փրկվել: Ֆրանսիայի վարչապետն ու ՆԳՆ ղեկավարն արդեն մեկնել են դեպքի վայր
