ԵՐԵՎԱՆ, 7 հոկտեմբերի– Sputnik. Նյու Յորքի շուրջ երկու հազար բնակիչներ քաղաքի Կենտրոնական այգում շարվել են խաղաղության խորհրդանշանի տեսքով և իրենց ֆլեշմոբը նվիրել The Beatles խմբի համահիմնադիր Ջոն Լենոնի 75–ամյակին, որը կնշվի հոկտեմբերի 9–ին։ Ակցիայի մասնակիցները երգել են Լենոնի Give Peace a Chance երգը, հաղորդում է Lenta.ru–ն` հղում անելով Billboard–ին։
«Սա լավագույն նվերն է Ջոնի համար», – նշել Լենոնի այրին` նկարչուհի Յոկո Օնոն։
Ակցիայի անցկացման տեղը պատահական չի ընտրվել։ 1980թ.–ին Լենոնը մահացու վնասվածք էր ստացել սեփական տան շքամուտքի մոտ` Կենտրոնական այգու արևմտյան կողմում։ Հենց այդտեղ էլ Յոկո Օնոն ցրել էր երաժշտի աճյունը։
Վոկալիստ, կիթառահար Ջոն Լենոնը բազմաթիվ երգերի հեղինակ է։ The Beatles–ը, որի կազմում հանդես էր գալիս Լենոնը, XX դարի ամենահաջողակ երաժշտական խմբերից մեկն է ճանաչվել։ Այն հիմնադրվել է 1960թ.–ին և գործել է մինչև 1970թ.–ը։ The Beatles–ից հեռանալուց հետո Լենոնը ձայնագրել է իր ստեղծագործությունները կնոջ` Յոկո Օնոյի հետ։ Արտիստին սպանել են ամերիկացի լրագրողի հետ ունեցած հարցազրույցից անմիջապես հետո, երբ նա կնոջ հետ վերադառնալիս է եղել տուն։ Մեղավոր է ճանաչվել Մարկ Չեփմենը, որին ցմահ ազատազրկման են դատապարտել։
Նյույորքցիները շարվել են խաղաղության խորհրդանշանի տեսքով և իրենց ակցիան նվիրել Լենոնի 75–ամյակին
14:28 07.10.2015 (Թարմացված է: 17:50 12.10.2015)
© Pix11
Բաժանորդագրվել
Ակցիայի մասնակիցները երգել են Give Peace a Chance երգը
