ԵՐԵՎԱՆ, 18 սեպտեմբերի –Sputnik. «Բումբոքսի», «Ումատուրմանի» և «Ռեինկարնացիայի» համատեղ համերգը չեղյալ է հայտարարվել։ Համերգը պետք է կայանար Երևանում սեպտեմբերի 19-ին։
«Բումբոքս» խմբի ֆեյսբուքյան էջում նշված է, որ համերգը չեղյալ է հայտարարվել կազմակերպիչների կոմպետենտության բացակայության պատճառով։
«Բարեկամներ, կազմակերպիչների կոմպետենտության բացակայության պատճառով մենք ստիպված էինք չեղյալ հայտարարել Երևանում նախատեսված ելույթը։ Ներողություն ենք խնդրում մեր ուկնդիրներից, մենք մինչև վերջին պահը պատրաստ էինք նվագել»,– նշված է գրառման մեջ։
One Production ընկերությունն իր հերթին գրառում է կատարել Ֆեյսբուք սոցիալական ցանցում։
«Ցավով պետք է տեղեկացնենք, որ համերգը չի կայանա, քանի որ նախատեսված քանակով տոմսեր չեն վաճառվել։ Տեղեկացնում ենք նաև, որ One Production ընկերությունը ելույթ ունեցող խմբերին պայմանագրով նախատեսված չափով կանխավճարը կատարել է և կրում է պատասխանատվություն գնված տոմսերի գումարը վերադարձնելու համար»,– նշել են կազմակերպիչները։
One Production ընկերությունը վաճառված տոմսերի գումարի կվերադարձնի սեպտեմբերի 18-ից սկսած մեկ ամսվանից հետո։ Կազմակերպիչները նշում են, որ հստակ օրը կտեղեկացնեն նախապես։
«Սա հուսահատ քայլ էր ընկերության կողմից, քանի որ այլապես այն չէր կարողանա շարունակել գործունեությունը և ձեզ ներկայանար յուրօրինակ արտիստների համերգներով։ Եվս մեկ անգամ հայցում ենք ձեր ներողամտությունը»,– եզրափակել են կազմակերպիչները։
«Բումբոքսի», «Ումատուրմանի» և «Ռեինկարնացիայի» համատեղ համերգը չեղյալ է հայտարարվել
Բաժանորդագրվել
Կազմակերպիչները նշում են, որ համերգը չի կայանա, քանի որ նախատեսված քանակով տոմսեր չեն վաճառվել
