ԵՐԵՎԱՆ, 14 սեպտեմբերի– Sputnik. Եգիպտոսի ոստիկանության աշխատակիցները գնդակահարել են մի խումբ զբոսաշրջիկների և նրանց ուղեկցող եգիպտացի գիդերի` շփոթելով նրանց ահաբեկիչների հետ, հաղորդում է Եգիպտոսի ՆԳՆ–ն։
Մահացել է 12 մարդ, որոնց մեծ մասը մեքսիկացի զբոսաշրջիկներ են։ Եվս տասը մարդ վիրավոր է։
ՆԳՆ–ն նշում է, որ միջադեպը տեղի է ունեցել, երբ ոստիկանությունը հետապնդել է ահաբեկիչների բանակին Արևելյան անապատում գտնվող էլ–Վախատ բնակավայրում։
«Արգելված գոտում նկատվել են չորս արտաճանապարհային մեքենաներ, որոնց ուղղությամբ կրակ է բացվել։ Ավելի ուշ պարզվել է, որ դա մեքսիկացի զբոսաշրջիկների քարավան է եղել։ Տասներկու մարդ սպանվել է, այդ թվում` մեքսիկացիներ և եգիպտացիներ։ Տասը մարդ տեղափոխվել է հիվանդանոց», – նշվում է հայտարարության մեջ։
Իրավապահները սկսել են ողբերգական միջադեպի քննությունը։
Եգիպտոսի ոստիկանությունը պատահաբար գնդակահարել է մեքսիկացի զբոսաշրջիկների
© Sputnik / Андрей Стенин
/ Բաժանորդագրվել
Հաղորդվում է, որ եգիպտացի ոստիկանները զբոսաշրջիկներին շփոթել են ահաբեկիչների հետ։ Ողբերական սխալի հետևանքով զոհվել է 12 մարդ, այդ թվում` եգիպտացի գիդեր
