ԵՐԵՎԱՆ, 9 սեպտեմբերի – Sputnik. Հայաստանից պտուղ-բանջարեղենի արտահանումը 2015 թվականի վերջին կհասնի 85-90 հազար տոննայի, չորեքշաբթի լրագրողներին ասաց ՀՀ գյուղնախարար Սերգո Կարապետյանը։
Գերատեսչության տվյալների համաձայն` հայկական գյուղմթերքի արտահանման աշխարհագրությունն ընդլայնվել է, ընդ որում մեծամասամբ այն արտահանվում է ԵՏՄ երկրներ։ Մասնավորապես, գյուղմթերքի 82,9% արտահանվում է Ռուսաստան, այն դեպքում, երբ 2014 թվականին այդ ցուցանիշը կազմում էր ընդամենը 32,9%։
«Այսօրվա դրությամբ տարեսկզբից արդեն արտահանվել է տեղական արտադրանքի 55 հազար տոննա պտուղ և բանջարեղեն, ընդ որում անցյալ ողջ տարվա ընթացքում այդ ցուցանիշը կազմել է 46.4 հազար», – հայտնեց նախարարը։
Մասնավորապես, արտասահմանյան երկրներ արտահանվել է 21 տոննա ծիրան, 2.2 տոննա կեռաս, 2.5 հազար տոննա խաղող, ինչպես նաև 4.9 հազար տոննա կարտոֆիլ։
«Ես համոզված եմ, որ այս թիվը կաճի, քանի որ դեռևս արտահանման համար նախատեսված գյուղմթերք է մնացել։ Տարեվերջին, ես կարծում եմ, մենք կունենանք 85-90 հազար տոննա արտահանման ցուցանիշ», – ընդգծել է Կարապետյանը։
Հայաստանը մինչև տարեվերջ կարտահանի մինչև 90 հազար տոննա միրգ և բանջարեղեն
© Sputnik / Чернов
/ Բաժանորդագրվել
Հայկական միրգ ու բանջարեղենի հիմնական սպառման շուկան Ռուսաստանն է, ինչպես նաև ԵՏՄ մյուս երկրները
