Բանգկոկում տեղի ունեցած պայթյունի հետևանքով տուժածների հարազատներն ու ընկերները հիվանդանոցում ստուգել են վիրավորների և մահացածների ցուցակները։ Նախնական տվյալներով` ահաբեկչության զոհ է դարձել 150 մարդ
Թաիլանդի մայրաքաղաքի կենտրոնում գրանցված պայթյունի մեջ կասկածվող անձին նկարել է դեպքի վայրից ոչ հեռու տեղադրված տեսախցիկը։ Ավելի քան 20 մարդու կյանք խլած ահաբեկչության հեղինակին այժմ որոնում է ոստիկանությունը։
«Այսօր կա կասկածյալ, որին նկարել է տեսախցիկը, բայց դա դեռ ստույգ չէ։ Մենք որոնում ենք այդ տղային»,– հաղորդում է Ֆրանս Փրես գործակալությունը Թաիլանդի վարչապետի խոսքերը։
Բանգկոկի կենտրոնի գործարար և տուրիստական հատվածում երկուշաբթի Երևանի ժամանակով ժամը 15։56–ին Ռատչապրասոնգ խաչմերուկում պայթյուն է որոտացել։ Ինքնաշեն ռադիոկառավարվող ռումբը տեղադրվել է Amarin Plaza առևտրային կենտրոնի և Grand Hayatt Erawan հյուրանոցի մոտակայքում գտնվող հնդուիստական Էրավան (երեքգլխանի սուրբ փիղ) կուռքի տաճարի ցանկապատի մոտ այն պահին, երբ տաճարում բազմաթիվ այցելուներ են եղել, որոնց մեծամասնությունը զբոսաշրջիկներ են եղել` Չինաստանից, Սինգապուրից և Թայվանից։
Ոստիկանության տվյալներով` մահացածների շարքում չորս արտասահմանցիներ կան` ՉԺՀ երեք քաղաքացիներ և Ֆիլիպինների մեկ քաղաքացի։
Թաիլանդում ՌԴ դեսպանատանը հաղորդել են, որ Բանգկոկում պայթյունի ժամանակ մահացածների և տուժածների շարքում ռուսներ չեն եղել։
Թաիլանդցիները ստուգել են պայթյունի հետևանքով վիրավորված և մահացած անձանց ցուցակները
© Ruptly
Բաժանորդագրվել
Բանգկոկում տեղի ունեցած պայթյունի հետևանքով տուժածների հարազատներն ու ընկերները հիվանդանոցում ստուգել են վիրավորների և մահացածների ցուցակները։ Նախնական տվյալներով` ահաբեկչության զոհ է դարձել 150 մարդ
