ԵՐԵՎԱՆ, 13 օգոստոսի– Sputnik. Բժիշկները ստիպված են եղել անդամահատել Իրանի քաղաքացու մատը։ Նա Երասխ գյուղու մոտ տեղի ունեցած խոշոր ճանապարհատրանսպորտային պատահարի տուժածներից մեկն է, հայտնում է Հայաստանի առողջապահության նախարարությունը։
Ինչպես ավելի վաղ հայտնել է Հայաստանի տարածքային կառավարման և արտակարգ իրավիճակների նախարարությունը, Երևանից ոչ հեռու գտնվող Երասխ գյուղում խոշոր պատահար է գրանցվել. բախվել են իրանական համարներով բենզատարը, երկու բեռնատարները և չորս մարդատար ավտոմեքենաները։
Մի մարդ տեղում մահացել է, ինը մարդ տուժել է, որոնց թվում երեխա է եղել։ Տուժածներին տեղափոխել են տարբեր հիվանդանոցներ։ Ավելի ուշ նրանցից երկուսը տեղափոխվել են մայրաքաղաքի բժշկական կենտրոններ, նրանց վիճակը բժիշկները գնահատում են կայուն ծանր։
13 օգոստոսի 2015, 16:28
Առողջապահության նախարարության տեղեկությունների համաձայն, «Սուրբ Գրիգոր Լուսավորիչ» բժշկական կենտրոն տեղափոխված հիվանդը գտնվում է վերակենդանացման բաժանմունքում: Նրա վիճակը գնահատվում է կայուն ծանր: Կատարվում է ախտորոշմանը համարժեք բուժում: Տուժածը Իրանի Իսլամական Հանրապետության քաղաքացի է:
«Էրեբունի» բժշկական կենտրոնի վերակենդանացման բաժանմունքում գտնվող հիվանդի մոտ ախտորոշվել է պոլիտրավմա, գանգուղեղի վնասվածք, արյունազեղում: Տուժածի վիճակը ծանր է: Կատարվում են անհրաժեշտ բոլոր բժշկական միջոցառումները:
«Էրեբունի» բժշկական կենտրոնի վերակենդանացման բաժանմունքում գտնվող հիվանդի մոտ ախտորոշվել է պոլիտրավմա, գանգուղեղի վնասվածք, արյունազեղում: Տուժածի վիճակը ծանր է: Կատարվում են անհրաժեշտ բոլոր բժշկական միջոցառումները:
