ԵՐԵՎԱՆ, 24 հուլիսի– Sputnik. Ադրբեջանի հետ սահմանին տիրող իրավիճակը գտնվում է Հայաստանի և Ղարաբաղի Զինված ուժերի վերահսկողության տակ, ուրբաթ «Արի տուն» և «Սփյուռքի ամառային դպրոց» ծրագրերով Երևան ժամանած սփյուռքահայ երիտասարդների հետ հանդիպման ժամանակ հայտարարեց ՀՀ պաշտպանության նախարար Սեյրան Օհանյանը։
Նախարարը նշեց, որ սահմանի իրավիճակը սրվել է, գնդակոծումների դեպքերն ավելացել են։
«Հակառակորդը ոչ միայն կրակ է բացում Արցախում, այլ նաև գնդակոծում է Հայաստանի սահմանամերձ շրջանները։ Թող հայ ժողովուրդը չկասկածի, որ բանակը կատարում է իր առջև դրված խնդիրները և կշարունակի ապահովել երկրի անվտանգությունը», – ընդգծեց Օհանյանը։
ԼՂՀ պաշտպանության նախարարությունն օրերս մեղադրել էր Ադրբեջանին ղարաբաղա–ադրբեջանական շփման գծի ողջ երկայնքով հրադադարի ռեժիմի կանոնավոր և ինտենսիվ խախտման մեջ։
Օհանյան. մեր ԶՈւ–ն վերահսկում է Ադրբեջանի հետ սահմանի իրավիճակը
© Photo : official site of the MoD of RA
Բաժանորդագրվել
ՀՀ պաշտպանության նախարար Սեյրան Օհանյանը հայտարարել է, որ հայկական կողմը վերահսկում է Ադրբեջանի հետ սահմանին տիրող իրավիճակը։
