ԵՐԵՎԱՆ, հուլիսի 8–Sputnik. ՀՀ վարչապետ Հովիկ Աբրահամյանը հուլիսի 9-ից աշխատանքային այցով կլինի Մոսկվայում, հայտնում է կառավարության մամուլի ծառայությունը:
Մոսկվայում նախատեսվում է վարչապետ Հովիկ Աբրահամյանի առանձնազրույցը Ռուսաստանի կառավարության ղեկավար Դմիտրի Մեդվեդևի հետ, որի ընթացքում կքննարկվեն երկկողմ առևտրատնտեսական հարաբերություններին և Եվրասիական տնտեսական միության շրջանակում համագործակցությանը վերաբերող մի շարք հարցեր։
ՀՀ և ՌԴ վարչապետների առանձնազրույցից հետո տեղի կունենա հանդիպում ընդլայնված կազմով:
ԵՏՄ–ն միջազգային ինտեգրացիոն տնտեսական միություն է, որը ստեղծվել է Մաքսային միության և Տնտեսական միասնական տարածքի հիմքի վրա և գործում է այս տարվա հունվարի 1-ից։ Ներկա պահին ԵՏՄ անդամներ են Ռուսաստանը, Հայաստանը, Ղազախստանն ու Բելառուսը, շուտով կազմակերպությանը կմիանա նաև Ղրղըզստանը։
ՀՀ վարչապետը հուլիսի 9-ին աշխատանքային այցով կմեկնի Մոսկվա
© Sputnik / Екатерина Штукина
/ Բաժանորդագրվել
Ռուսաստանի և Հայաստանի կառավարության ղեկավարները կքննարկեն երկկողմ առևտրատնտեսական հարաբերություններին և Եվրասիական տնտեսական միության շրջանակում համագործակցությանը վերաբերող մի շարք հարցեր։
